Həzi Əhəd oğlu Aslanov 1910-cu il yanvarın 22-də Lənkəranın Gərmətük qəsəbəsində anadan olmuşdur. Erkən yaşlarından atasını itirən Həzi, çətinliklərə baxmayaraq güclü xarakteri ilə seçilirdi.
O, Lənkəran 1 saylı orta məktəbində təhsil alarkən artıq hərbçi olmağı qarşısına məqsəd qoymuşdu. Bu dövr, gələcək generalın hərbi-vətənpərvərlik ruhunun, sarsılmaz iradəsinin və xalqına bağlılığının təməlinin qoyulduğu ilk gənclik illəri idi.
Həzi Aslanov təhsilini və hərbi hazırlığını davam etdirmək üçün Zaqatala Kənd Təsərrüfatı Texnikumuna daxil olur.
Buradakı təhsili dövründə o, yüksək fiziki hazırlığı, nizam-intizamı və rəhbərlik qabiliyyəti ilə yaşıdlarından seçilir. Texnikum illəri onun xarakterinin formalaşmasında və peşəkar hərbi karyeraya yönəlməsində mühüm keçid nöqtəsi olur.
Zaqatala komsomol təşkilatının göndərişi ilə Bakı Piyada Məktəbinə (sonradan Azərbaycan Birləşmiş Hərbi Məktəbi) daxil olur.
Bakıdakı hərbi məktəbdə hərbi elmin sirlərinə, taktikaya və komandirlik prinsiplərinə dərindən yiyələnir. Təhsilini uğurla başa vuraraq sovet ordusunun gənc və perspektivli zabiti kimi xidmətə hazır vəziyyətə gəlir.
Leninqradda (Sankt-Peterburq) Süvari Komandirləri Təkmilləşdirmə Kursunu bitirir və tank qoşunlarında xidmətə başlayır.
Bu dövrdə orduda texnoloji yeniliklərin tətbiqi və tank qoşunlarının sürətli inkişafı ilə əlaqədar olaraq xidmətini zirehli-tank qoşunlarında davam etdirməyə qərar verir. Kursu bitirdikdən sonra təcrübəli hərbi mütəxəssis kimi Ukraynaya hərbi xidmətə göndərilir.
1933–1940-cı illər Həzi Aslanovun hərbçi və tank komandiri kimi formalaşdığı mühüm dövrdür.
1933-cü il Həzi Aslanov artıq süvari xidməti ilə yanaşı, zirehli-tank qoşunlarına böyük maraq göstərirdi. 1933-cü ilin mayına qədər Xarkovda avtotraktor emalatxanasında xidmət edib, həmin ilin iyununda 2-ci atıcı diviziyasının xüsusi tank rotasında vzvod komandiri təyin olunub. Daha sonra 60-cı atıcı diviziyanın xüsusi tank batalyonunda xidmət edib. 1934-cü il Onun tankçı kimi ilk böyük uğurlarından biri bu ilə təsadüf edir. Kiyev Hərbi Dairəsinin komandanı İona Yakirin keçirdiyi manevrlərdə Həzi Aslanovun tank rotası yüksək nəticə göstərib. Bu uğur onun bacarıqlı tank komandiri kimi tanınmasına səbəb olub. 1935–1937-ci illər Həzi Aslanov tank bölmələrində komandir kimi fəaliyyətini davam etdirib, hərbi texnikanı və tankçılıq sahəsini dərindən mənimsəyib. 1937-ci ildə Ukraynanın Obruç şəhər sovetinə deputat seçilməsi də onun ictimai fəallığını göstərirdi. 1938-ci il 1938-ci ilin əvvəlində 60-cı atıcı diviziyanın xüsusi tank batalyonunun yanında fəaliyyət göstərən məktəbdə əvvəlcə rəis əvəzi, sonra isə məktəb rəisi təyin olunub. Həmin ilin mayında Kiyevdə 3-cü avtonəqliyyat alayının 5-ci batalyonunda təlim-hazırlıq üzrə komandir müavini vəzifəsinə keçirilib. 1939-cu il Həzi Aslanovun hərbi karyerasında mühüm dönüş ili oldu. Kiyev Hərbi Dairəsində yeni yaradılan 4-cü mexanikləşdirilmiş korpusun 10-cu tank diviziyasının 10-cu atıcı alayının avtonəqliyyat batalyonuna əvvəl komandir əvəzi, sonra komandir təyin edildi. Həmin il ona kapitan hərbi rütbəsi verildi. 1939-cu ilin sonlarında Sovet-Fin müharibəsi ilə əlaqədar Kareliyaya göndərildi. Tankçıları ilə birlikdə döyüş əməliyyatlarında, o cümlədən Mannerheym səddinin yarılmasında iştirak etdi. 1940-cı il 12 mart 1940-cı ildə Sovet-Fin müharibəsi başa çatdıqdan sonra Həzi Aslanov Ukraynaya, Zoloçev şəhərinə, əvvəlki vəzifəsinə – 10-cu atıcı alayın avtonəqliyyat batalyonunun komandiri vəzifəsinə qayıtdı. 1940-cı ilin noyabrında Həzi Aslanova mayor hərbi rütbəsi verildi. Beləliklə, 1930-cu illərin əvvəllərində süvari kimi fəaliyyətə başlayan Həzi Aslanov artıq 1940-cı ilin sonunda yüksək peşəkarlığa malik tank komandiri və mayor idi.
Böyük Vətən müharibəsinin ilk günlərindən döyüşlərə qatılan Həzi Aslanov tank qoşunlarının görkəmli komandiri kimi şöhrət qazandı.
1941 - 1945 Müharibənin ilk döyüşləri 22 iyun 1941-ci ildə Almaniyanın SSRİ-yə hücumundan sonra kapitan Həzi Aslanovun komandir olduğu avtomobil batalyonu Lvov istiqamətində yerləşirdi. O, müharibənin ilk günlərindən döyüşlərdə iştirak etdi. Sonrakı aylarda Donbas, Rostov-Don, Moskva və digər istiqamətlərdə gedən döyüşlərdə fərqləndi. 1941-ci ilin dekabrında Moskva ətrafındakı döyüşlərdə göstərdiyi igidliyə görə “Qırmızı Ulduz” ordeni ilə təltif edildi. 1942 — Stalinqrad və ilk “Sovet İttifaqı Qəhrəmanı” adı 1942-ci ildə Həzi Aslanov tank qoşunlarında komandanlıq vəzifələrində irəlilədi. Stalinqrad döyüşlərində 55-ci tank alayına rəhbərlik etdi. 19 noyabr 1942-ci ildə başlayan sovet əks-hücumu zamanı onun tankçıları mühüm döyüşlərdə iştirak etdilər. Kotelnikovo və Verxni Kumsk ətrafındakı döyüşlərdə göstərdiyi komandanlıq bacarığına görə 22 dekabr 1942-ci ildə Həzi Aslanova Sovet İttifaqı Qəhrəmanı adı verildi. 1943 — Yeni döyüşlər və hərbi təhsil 1943-cü ildə Həzi Aslanov Stalinqrad istiqamətindən sonra digər cəbhələrdə döyüşləri davam etdirdi. 35-ci qvardiya tank briqadasının komandiri kimi fəaliyyət göstərdi. Hərbi biliyini artırmaq məqsədilə 17 dekabr 1943-cü ildə Zirehli Tank Qoşunları Akademiyasına göndərildi. 1944 — General-mayor rütbəsi və Belarus–Baltik istiqaməti 13 mart 1944-cü ildə Həzi Aslanova tank qoşunları general-mayoru hərbi rütbəsi verildi. Akademiyada təhsilini başa vurduqdan sonra 35-ci qvardiya tank briqadasına qayıtdı. 1944-cü ilin yayında onun briqadası “Baqration” əməliyyatında, Belarusun və Baltikyanı ərazilərin azad edilməsi uğrunda döyüşlərdə iştirak etdi. General-mayor rütbəsinə yüksələn Həzi Aslanov son nəfəsinədək Vətən uğrunda döyüşdü və 24 yanvar 1945-ci ildə qəhrəmancasına həlak oldu. Onun adı və qəhrəmanlığı əbədi yaşayır.
